Ashina「裸」底線 進擊影壇
模特兒郭奕芯（Ashina）早前與前亞視高層盛品儒攬啜街頭而人氣急升，現時自由身的Ashina，坦言有不少公司向她招手。而Ashina直言睇中內地市場夠大，希望趁後生北上闖一闖！
擁有33C「青筋胸」的郭奕芯（Ashina），早前被《東網》獨家踢爆與前亞視高層盛品儒攬啜街頭，及後推出兩本寫真集，繼而人氣大增！緋聞過後，Ashina希望可以轉型做演員。她透露現時工作是自由身：「有唔少公司都想簽我，香港同內地都有，不過我自己就想慢慢揀吓，畢竟大家要合作，都係睇吓同對方理念一唔一致。」稱現時正學習演戲，希望可以增值自己，為攻入影壇作好準備。
攻入內地
Ashina自言最想發展內地市場：「搵人仔都係其次，最緊要係因為內地市場夠大，機會比香港多，所以自己想趁年輕乜都試吓，最想拍電影。」問到會否順勢搵番個內地富二代拍拖？她笑言：「搵到有就梗係好啦！但依家唔想拍拖，想專心工作先。」
三點不露
而Ashina早前為《好報》大膽拍攝半裸照晒美乳，提及投身影壇，她表示接受性感，但有底線：「如果角色要求我性感，我無問題，但底線一定要係三點不露囉！」
文：專案組