SiS樂印姊妹 出碟等廿幾年
組合SiS樂印姊妹昨日舉辦首個簽唱會，她們大呼興奮：「等咗廿幾年終於出到碟，都算圓咗其中一個夢。」她們更獲杜德偉、周秀娜、林子博等人拍片祝賀，當中子博更帶同擔任表演嘉賓的兒子林卓楠到場支持，對此她們特別感謝：「之前《520》MV諗住搵卓楠拍，但佢唔舒服拍唔到，子博都唔好意思，所以今日叫佢嚟做嘉賓，而我哋表演嘅結他都係子博送。」
至於首次推出唱片的她們會否害怕詢問銷量？她們笑言絕對不會：「我哋日日都問公司賣成點，佢哋都叫我哋唔好再問，話賣得唔錯，啲朋友都話喺街搵唔到我哋隻碟。」問到成績理想有甚麼慶祝活動？她們表示要請客慰勞公司同事。