James施毛術咀嘴

英國男歌手James Blunt與「老婆」Sofia前日於西班牙出海「度蜜月」,懶理女友人在場,Sofia照樣半裸無上裝與James咀嘴親熱,James亦豁出去露毛贈興,齊齊於遊艇大解放!

唱作男歌手James盛傳最近與另一半Sofia於西班牙馬略卡島結婚,而前日則影到兩人結伴出海到「度蜜月」,雖然同艇仲有一位女友人同行當「電燈膽」,不過似乎未有影響「兩公婆」的心情,反而有人睇住仲愈玩愈豪放!

當日Sofia穿上印有花紋圖案的白色比堅尼,盡騷其S形火辣身材,點知原來咁樣都未算賣大包,一時心血來潮索性將比堅尼的Top除埋,當眾兩點畢露,完全唔覺尷尬,仲一邊悠閒地曬太陽,一邊睇書,用雙峰嚟迎接剛游完水上船的友人。本來James一直都忙住傾電話,冷落「老婆」,未知是否之後見到Sofia兩點大解放,即刻收線上前索吻,肉緊咀嘴,簡直甜到漏!

插袋chok甫士

相比豪放的Sofia,James亦唔輸蝕,向來在台上慣了以密實Look自彈自唱的他原來亦有一身引死人的肌肉,而且James當日所穿的短褲勁低腰,當眾露出陰毛,懶理旁人的目光,照樣插晒袋chok甫,認真叫人尷尬!其後James與Sofia便一齊換晒蛙鞋及泳鏡落水,就算落到水都十足糖黐豆一樣分唔開,有如新婚夫妻一樣,認真羨煞旁人!

文:外娛組