諸葛紫岐 口快薛蜜
榮升母親的名模諸葛紫岐，近日開始再度活躍於娛樂圈，昨日她在公開活動上被問到其大伯薛世恒與女星廖碧兒的緋聞時，竟不小心漏口風指曾見過廖碧兒數次，並大讚對方很nice，又祝大伯幸福開心，還稱與「死敵」陳法拉甩拖後的薛世恒「好開心、多女追」，狠摑法拉一巴！
名模諸葛紫岐（Marie）、Amanda S.、蔣怡和甄子丹太太汪詩詩等，昨日出席護膚品牌Cle de Peau Beaute「L'alchimie de Synactif」酒會，Marie穿上純情白裙示人，相當清新。提到其大伯薛世恒與藝人廖碧兒傳緋聞，Marie竟口快快表示希望他能幸福及開心：「見過佢（廖碧兒）幾次，幾nice。（有傳薛世恒忘記唔到舊愛陳法拉？）同佢食飯時，見佢都好開心、好funny，佢咁靚仔，大把女仔追佢。（有好多？）咁一定有，佢係鑽石王老五，最緊要佢開心同幸福，希望佢搵到。」她又透露會簽約英皇電影，並將全面復出演藝圈，現時已洽談劇本中，亦有見導演及監製。她笑言可接受性感，老公薛嘉麟不會過問，但自己較想拍搞笑及愛情片。問到會否沒時間照顧兒子？她說：「照顧囝囝冇問題，依家有Cam可以隨時睇到。」提到昨日未能在網上訂購新智能手機，但已找人代幫忙購買。
Amanda S.狀態回勇
Amanda S.早前宣布與拍拖9年及結婚3年的意籍夫婿Christian Cappelli分手，昨晚她似已撫平離婚傷痛，身穿低胸連身裙示人，狀態回勇，問她是否回復單身才作性感打扮？她說：「條裙係自己揀，其實3月時同佢（前夫）出席活動嗰陣，比依家仲性感。」她又稱與前夫仍保持友好關係，互有聯絡，因為兩人有共同飼養的愛犬。問她是否準備好迎接新戀情？她說：「有機會都想，但睇緣分。（心情平復未？）當然，都過咗一段時間。（中秋節點過？）其實中秋節同家人過多過同情人過，不過尋日（11日）心情有啲難受，因為原本係我哋結婚三周年紀念，有少少唔舒服，但唔緊要，夜晚同啲朋友去咗食飯。」
文：名人組