祖兒大安旨意等男友送

天后容祖兒、「大美人」李嘉欣、台灣歌手蕭亞軒、星級造型師Alvin Goh等，昨晚出席時裝品牌Versace活動。當中緊貼潮流的祖兒，表示未有訂購昨日推出的全新智能手機：「我覺得身為電器代言人，應該可以淨袋嘅，所以每次出新機都好期待。」她續透露擁有一部已心滿意足：「夠o架啦，咁搶手，真係唔可以貪心。（唔使留部畀師兄？）有咪留，冇就買啦。」她又透露早前遇上手機怪事：「早排個電話感冒，咩都冇反應，可能知我想換機所以小器啩！（若代言嗰邊唔送？）如果千方百計要得到，都要出動到男友送o架啦！」提到於好友鄭希怡婚禮上手執花球，祖兒笑言：「仲有神秘蝦球，但唔可以影響自己個schedule。」

嘉欣大伯走得突然

而李嘉欣（Michelle）對於丈夫許晉亨（Julian）胞兄許晉乾的訃聞，她表示已妥善處理身後事，問到心情如何，她一臉哀傷說：「全屋企人好傷痛，要一步步走出嚟，因為件事幾突然。（點安慰老公？）呢個係佢親哥哥，好手足，依家要團結個家庭先啱。」對於許晉乾離世病因，Michelle表示不便透露：「之前情況一直幾好，真係好突然，你哋都知Julian為人低調，我又冇咩資格講。」

蕭亞軒望舊愛平安

同場的蕭亞軒被問到舊愛柯震東重新於社交網站follow自己，她表示有看報道：「大家係朋友，應該互相關心。（復合？）希望佢健康平安，好朋友可以做一輩子，請大家畀時間佢，畀多啲鼓勵。（有冇聯絡？）有簡單嘅問候。」而曾跟柯震東傳緋聞的李毓芬，前日出席活動時讚他本質善良，並透露有傳短訊鼓勵對方。

蕭亞軒指與舊愛柯震東仍係朋友。	大伯突然離世，嘉欣表示不便透露病因。	Alvin Goh

文：名人組