廖碧兒冒雨睇豪宅
北上發展的廖碧兒近年密密賺，「財」氣今非昔比，除開拓紅酒事業，亦有幾個物業揸手，既有中半山、將軍澳、遠至溫哥華都有，就連柴灣也有一個貨倉。她過去一個月有近十個商演，輕鬆袋走300萬人仔。
愛投資房地產的碧兒有錢揸手即心癢癢，早前被《好報》發現拖媽咪到西貢睇3千萬連天台獨立屋，兩母女冒雨巡視，見她於一幢獨立屋豪宅前停下，隨即與母親抬頭指手畫腳，看來對該屋苑相當滿意。碧兒昨日接受電話訪問時笑不攏嘴：「都係睇吓，未買，聽朋友講嗰區幾好住，細個喺外國住慣大地方，所以如果個樓價OK都想搬。（賺好多？）近排多咗商演，買樓可以保值嘛！」