吸血吸出毒！一名25歲自幼沉迷浪漫愛情故事的美國女子Lauren Adkins嫌棄男友不夠完美，去年竟下嫁英國男星羅拔柏迪臣（Robert Pattinson）的人形紙板公仔，還與他到洛杉磯度蜜月。
瘋狂女粉絲Lauren 自小便沉迷童話故事的浪漫結局，Lauren長大後開始迷上青春浪漫喜劇，幻想白馬王子會在學校舞會出現，但到了17歲依然食白果。Lauren入讀大學後即獨自生活，方便與男人約會，但最終亦因男友未如理想而分手，直到看過《吸血新世紀》（Twilight）的小說和電影後便一發不可收拾。
來自美國的Lauren表示：「《吸》片同我以前睇過嘅愛情故事好唔同，主角愛德華好安靜好神秘，真係好性感。我睇完小說，排隊入場睇電影版，當我第一眼睇到羅拔柏迪臣就知道我要嫁畀佢。」數月後，Lauren在唱片店看到6呎高的羅拔人形紙板公仔，隨即遞出20美元（約156港元）購買，並放床尾欣賞，還「上腦」與「羅拔」交談和帶他外出約會。Lauren其後聽從朋友意見，去年與紙板人結婚，又在網上找教堂及牧師主持婚禮：「我買咗香檳同五層嘅蛋糕招呼我50名親友，當日花咗我2000英鎊（約2.5萬港元），我哋去咗洛杉磯度蜜月，仲爬上荷里活嘅標誌上面，雖然要抬佢上去，每個人為咗心愛嘅男人都願意犧牲！」