PlayTime歌影雙棲一腳踢
新進男子組合PlayTime今年以演員及歌手雙重身份強勢出道，勝在多才多藝及形象正面。四子做足二十場UNICEF校園騷同小朋友玩之餘，連平日隊中運作如形象設計、駕車、公關、後期製作等，亦一手包辦！
今年男子組合眾多，組合PlayTime亦挾王敏奕師弟之名，以電影《曖昧不明關係研究學會》及《做地產》為出道作，又主唱《曖昧》主題曲《說說》，實行雙線發展！成員岑珈其說：「我哋四個都係演員，我同梁曉豐（Anjo）同林耀聲都係拍《烈日當空》認識嘅，後來麥曦茵撮合咗我哋。」主音Anjo更畢業於澳洲悉尼音樂學院，主修小提琴同指揮。而林耀聲則獲網民激讚稱他為「小張震」，隊友Anjo亦大讚：「佢係360度都好靚，好難搵到佢唔靚嘅角度！」
猜輸做隊長
組成兩年才正式出道的PlayTime默契十足，Anjo負責統籌及駕車接載隊友出席活動，愛說話的珈其負責聯絡，最貪靚的隊長黃溢濠（濠B）為隊友襯衫，而「小張震」阿聲則負責內部事務如剪片等。濠B為隊友做形象指導外更是PlayTime隊長，被爆是因猜包剪揼猜輸而被推舉。
唱歌拍戲之餘，四子早前擔任聯合國兒童基金會（UNICEF）推廣大使，完成了二十場校園騷，回饋社會！
場地：Hooray Bar & Restaurant
服裝：Teelocker、Oxbridge Town
文：專案組
攝：吳文聰