舒淇做帥氣男生 唔益馮德倫
【陳嘉敏紐約直擊】舒淇以中性打扮現身紐約睇騷，完場後更到後台與品牌設計師見面，問她可會選購品牌的男裝給緋聞男友馮德倫時，她笑言自己都愛男生打扮，所以男裝都係留番畀自己。
女星舒淇於紐約時間10日現身BOSS假紐約舉行的2015春夏女裝騷，以中性打扮示人的她，完場後到了後台跟品牌設計師Jason Wu見面。拍照時，舒淇突然模特兒上身走了幾下貓步，問她是否心郁想行騷？她謙稱：「我唔係模特兒骨架，佢哋嘅骨架比較特別，好瘦。」對於Jason Wu親自欽點她來紐約看騷，她大感開心：「大家係台灣人，見佢有咁好成績，又有咁好嘅表演，可以得到佢嘅認同，我好開心。」
愛貓爆紅捧做巨星
談到昨日911周年，品牌選址在遺址中舉行時裝騷，她表示希望世界和平：「本是同根生，相煎何太急，又打仗又有黑心商人，希望大家愛護地球，珍惜身邊人。」而她曾在微博透露過美國海關時有不快經歷，她坦言：「我覺得每個人都要熱愛自己嘅工作，如果你唔鍾意，會畀人哋感覺唔好，仲要係一個咁國際嘅海關，我過關時前面排咗四個人，但等咗一個鐘先到我，個關員仲要搖腳，真係唔知點解會發生啲咁嘅事。」另外，問舒淇會否買品牌的男裝給緋聞男友馮德倫，跟她配成情侶裝？她即笑謂：「男裝打扮我都鍾意，唔需要買畀其他人，我扮男生都好帥氣！」提到她家中愛貓很紅，她開心地說：「想培養佢做貓界巨星，同品牌提議吓出個寵物系列，搵我隻貓行騷，到時我可以靠佢賺錢，唔使再周圍飛。」
張靜初到遺址悼念
另一邊廂，內地女星張靜初於當地Tory Burch旗艦店揀衫，透露前一天完騷後到了後台跟設計師Tory Burch見面，問會否跟品牌有合作計劃時，她說：「應該會，品牌之後在中國有比較多發展。」提到昨日是911，她坦言之前沒有想到遺址悼念，但經這一說，也會抽空到該處：「發生這件事時覺得很難以置信，我的英文老師的男友當時就在那幢大樓，他才二十多歲，而且兩人快將結婚，知道這個消息時，老師當場哭了起來，受難者之一是自己的親友，真是很大的痛苦。」