邵珮詩主持頒靚車儀式 唔怕晒真面目
應屆港姐冠軍邵珮詩、亞軍王卓淇與季軍何艷娟近期忙於出席領獎活動，攞獎攞到手軟，昨日三人到金鐘為Audi頒獎活動擔任嘉賓，將價值四十九萬四千元的Audi A5 Sportback名車車匙頒贈給決賽夜投票的幸運家庭觀眾。
邵珮詩指得獎後出街已被市民認出，並樂於與市民接觸及合照，問到現時多了人認識會否不敢素顏出街？邵珮詩笑說：「咁都會化少少妝打個底。」講到連日來領取的獎品怎樣使用？她說：「會同屋企人分享，自己用得最多嘅獎品反而係面膜。」
何艷娟買車代步
王卓淇則透露她們將會亮相慈善節目《星光熠熠耀保良》：「以前睇慈善騷見過有空中飛人表演，自己身手都唔錯，有機會都想試吓做空中飛人，不過，今次我哋就唔使表演嘅。」問到她不擔心表演會失儀態走光嗎？她說：「唔怕，一定會練習好同做足安全措施。」而何艷娟則透露正在考車牌，合格會買車代步。
文：影視組