周嘉莉寧做大茄 拒裸出位
「六合彩」主持兼前亞姐周嘉莉望由主持轉型為演員，但擁有驕人上圍的她卻暴殄天物，不願「賣大包」以半裸或全裸示人。深明循序漸進的重要性的她，不介意由「大茄喱啡」做起，望有朝一日能與偶像劉心悠齊名。
前亞姐周嘉莉自2011年參與亞姐獲「最想撻着佳麗」獎後，便投身亞視擔任藝人。獲亞視重用的她，曾主持不少旅遊、音樂節目，更主持「六合彩」達一年之久，早已非常入屋。
已累積一定主持經驗的周嘉莉，坦言下一個目標是殺入影壇，並以劉心悠為奮鬥目標。她說：「佢唔單止個樣好靚，而且出道八年都冇乜負面新聞，又跑馬拉松，形象好健康！佢起初廣東話唔係太叻，到依家講得好好，證明佢係一個好努力嘅人，我真係好欣賞佢。」
有人追唔啱timing
周嘉莉透露希望有演戲機會，坦言不介意由低做起，即使是「大茄喱啡」都甘願演出，並說：「就算冇對白，齋行我都ok！最緊要係吸收多啲工作經驗。」而問到擁有逼爆上圍的她，對於拍電影可有性感底線？她卻保守地表示：「我嘅性感底線係着bikini或者內衣，全裸或者半裸都應該唔會啦，怕畀屋企人鬧。」目前單身的她，坦言早前有追求者，但由於工作時間不配合，故並未順利發展。
Profile
姓名：周嘉莉(Dominy Chau)
身高：1米6
三圍：32C、23、35
年齡：24歲
體重：42KG
入行經過：參選2011年亞洲小姐獲「最想撻着佳麗」獎
文：名人組