鍾嘉欣水着開P 陳展鵬奉陪
鍾嘉欣為孭飛的劇集《大藥坊》宣傳，揚言劇集平均收視有三十多點，她會穿懷舊高衩泳衣舉行poolside party 慶功，陳展鵬也表示會奉陪到底以三角泳褲出席派對。
無綫劇集《大藥坊》演員鍾嘉欣、陳展鵬、唐詩詠、高海寧等昨日到荃灣一個中草藥園為劇集宣傳。鍾嘉欣希望劇集收視平均有三十多點，重回未有互聯網時期的收視水平，她笑說：「如果有三十幾點平均收視，我會搞番個poolside party，着懷舊一件頭高衩泳衣慶功。」嘉欣被問到則過去的中秋節是否與伍允龍一齊賞月？她不願透露。講到劇中主角黃浩然的病情，嘉欣希望他早日康復，大讚他是好仔。
《張保仔》玩冰火
陳展鵬坦言收視好亦不介意穿三角泳褲亮相池畔派對，因近期忙拍新劇《張保仔》而被迫「焗弗」，他說：「因為浩然病咗辭演《張》劇，依家先拍晒我啲戲份，開工日接夜，每日曬足十個鐘，雖然冇暈低，但體力下降得好快，開工第二日已有幾個臨時演員暈咗，我都瘦咗四、五磅。劇集十一月去上海拍外景應該落緊雪，套劇真係好似玩冰火咁，我就嚟頂唔住喇，希望洪永城快啲開工啦。」他又稱不理會劇集收視，免分心影響工作。
詩詠拒着三點式
而唐詩詠被問到可會穿三點式出席池畔派對，她笑說：「留番畀鍾嘉欣，我着兩件頭泳衣得喇。」詩詠近日被拍得與男士約會，她說：「佢係我識咗十幾年嘅朋友，佢已經唔係單身，我哋冇機會發展。」
採訪：影視組