太子珠寶鐘錶主席鄧鉅明博士與太太鄧宣宏雁昨晚出席音樂會，透露偕同細仔鄧亦竣一同到昆明與鄧生的媽咪團圓齊過中秋，前日才返港，鄧太說中秋節當天乘機返港，收到航空公司送贈的月餅，感覺很窩心。
問到為何長子鄧亦軒及次子鄧亦棋未有一同回鄉過節？鄧生則表示：「佢哋要過二人世界，中秋都係情人佳節，佢兩個都有拖拍，但仲選擇緊。（想佢哋盡快結婚？）順其自然，唔想佢哋覺得我哋係催促。（恨抱孫？）都恨抱孫，但唔急。（見過佢哋女朋友未？）都有見過。」