Tiffany聞Sexy Lady掩嘴笑

泰妍（左起）、徐賢、Tiffany首次睇紐約時裝騷。

韓國女團「少時」成員徐賢、泰妍及Tiffany於紐約時間8日出席在紐約中央公園舉行的Polo派對，以慶祝品牌首間旗艦店開幕，現場在水池中以六十呎高的水幕投射出時裝騷，別開生面。

為真人騷取景

Tiffany透露為欣賞時裝周首次到紐約，表現興奮的她到紐約少不免四出觀光：「今次係個小小假期，我哋順道為真人騷節目喺紐約取景，拍啲片段，之後就要返韓國為新專輯宣傳。（喺紐約拍咗乜？）都係拍我哋喺紐約嘅真實生活。」拍照期間，有傳媒突然唱起韓國歌手Psy的名曲《江南Style》其中一句歌詞「Sexy Lady」，Tiffany聽到後忍不住掩嘴笑起來。

Polo慶祝派對上以六十呎高的水幕投射時裝騷，十分特別。

Kendall Jenner穿比堅尼行騷。

Kendall行天橋

同日真人騷女星Kendall Jenner踏上天橋為Tommy Hilfiger行騷，其中一襲連身衫褲，Kendall真空上陣疑似透點露暈，又穿上一襲紅色比堅尼露出身上的假紋身，大晒青春氣息，同場騷則由滾石樂隊主音米積加（Mick Jagger）女兒Georgia May Jagger打頭陣，而韓模Irene Kim、內地女星婁藝瀟及蔣夢婕均為座上客，至於另一內地女星毛曉彤亦連走多場時裝騷。另外，多位荷里活女星閃亮現身不同的時裝騷，分別有名模Cheyenne Tozzi疑似露點現身時裝周晚宴，名媛Paris Hilton和妹妹Nicky以姊妹裝亮相搶風頭。

Georgia May Jagger打頭陣出場。

Paris（左）和Nicky（右）與設計師Stacey Bendet合照。（美聯社圖片）