藝人何傲兒昨日為婚紗騷打頭陣及壓軸行騷，谷胸上陣的她相當有睇頭，還不慎露了少許「缽仔糕」。傲兒說：「今日係我農曆生日，喺工作中度過係好大鼓勵。（生日有冇人約？）冇，第一份生日禮物係公司送嘅蛋糕。（前度有冇祝你生日快樂？）我舊曆生日唔係好多人知，我都只係拍過兩次拖。新曆生日就會搞party。（白馬王子未出現？）王子暫時轉移喺工作上。將來結婚一定要着婚紗，因為女仔着婚紗係最靚嘅，而婚禮唔使大搞，簡簡單單就得。」
