千嬅色惑 黑絲男挑機
楊千嬅最近在新碟中化身「色惑」女王，於昨日的簽名會上，有男歌迷以蝴蝶黑絲加皇冠的驚嚇版造型向千嬅挑機，不但成功俘虜偶像的心，更令Deep V上陣的千嬅望到眼定定，笑言輸得五體投地！
楊千嬅昨日舉行新碟簽名會，和歌迷大玩遊戲，一位男歌迷更以黑絲配短褲大跳其新歌舞步，成功「色惑」偶像，令千嬅不時眼甘甘望實他，又笑言自愧不如：「人生真係需要好大勇氣先行到呢步，我都輸畀你！」她又宣布希望下年年頭開個唱。
記得重要嘢
千嬅指已忘記有多久沒舉行簽名會，直言產後記性差了：「差得好離譜，以前呃我一蚊都記得，依家要錄低同人講嘅嘢，好似出騷價錢。」記者笑她提早出現老人癡呆病徵，她即澄清：「我記得晒個仔啲嘢同歌詞，緊張嘅嘢就記得！」
而千嬅前晚為新城音樂會演出時就稱不會配合新歌刻意谷胸：「谷到一早谷咗啦，依家先谷咩！」她又說囝囝Torres上學後變得多說話，問可有頂撞她？她謂：「未識，不過有晒心理準備，老公唔嘢小，我都唔係善男信女，個仔性格似我。」
囝囝黐到實
對於囝囝愛跟她，千嬅相當得意，並指前日老公丁子高接囝囝放學，豈料Torres大叫搵媽咪，千嬅得戚話：「呢啲係餵人奶嗰刻開始儲番嚟，生佢之後嗰日完全冇瞓過，都係值得嘅。」
文：音樂組