安志杰dry爆狂操肌

武打影星安志杰(Andy)、模特兒貝安琪與藝人王敏奕等昨日出席保育活動,現忙於為兩套電影宣傳的Andy表示:「閒時狂操弗身形 ,會打吓機同做運動,呢排因為悶都操到好crazy,操咗八舊腹肌,(係咪因為冇拖拍?)可以咁講啦,同埋一個月前去咗美國食得太多好嘢啦。(有冇跟舊愛謝婷婷聯絡?)好耐都冇搵啦,(你拍拖未?)呢排都有兩個約會,不過完全冇感覺。」

性感上陣的貝安琪表示剛從德國拍戲回來,更首次一人分飾兩角,但只收一份片酬,她指導演很會「慳」:「其實導演想搵一個識講德文嘅中國女仔,所以先會做兩個角色,但我好享受拍攝過程。」不過因天氣凍又要冒雨拍攝及浸落海,所以凍病咗。而王敏奕則表示剛拍畢與杜汶澤合作的馬來西亞賀歲片《麻雀王》。