美國年度o靚界盛事Teen Choice Awards 2014早前於洛杉磯圓滿舉行，一眾靚女artist的衣着打扮成為焦點，女星們不用穿上曳地晚裝上陣，但走在大會的藍地氈上也一樣要夠靚夠sharp才能突圍成功，所謂薑愈老愈辣，美國樂壇天后「籮霸」珍妮花露柏絲（Jennifer Lopez）就印證這句話，即使面對一班青春少艾，她以短裙騷長腿，星味十足，贏得名模陳嘉容大讚，並選為當晚的best dress，集性感與優雅於一身。
「型格中性打扮，佢亦都着得出呢種味道同感覺，內搭可以sexy啲，入面襯corset會更加耀眼同更有星味。」
「幾靚幾特別，條裙嘅pattern好搶眼，成個感覺好sexy好養眼，散發健康性感魅力。」
「好靚，好襯佢一頭金色嘅頭髮，盡騷豐滿身材，更加凸顯佢嘅線條美，短裙顯得佢對腳更長，條裙着得佢成個身形線條都好修長，集性感與優雅於一身，星味十足。」
「好似返工look，一般嘅OL打扮，毫無特別，亦毫不起眼，完全凸顯唔到半點星味，浪費咗佢嘅高挑身材。」
「夠晒deep V，性感得嚟亦不失高貴大方，紅色好sharp。如果啲頭髮放番落嚟會young啲，成個感覺會活潑同佻脫啲。可以配番多啲accessories，換對ankle boots會型啲，或者換對無綁帶嘅高踭鞋會顯得對腳長啲。」
「條裙嘅款式有啲誇張，不過今年好興泡泡裙，佢亦都carry到條裙嘅感覺，有啲公主feel，幾甜美，好啱佢嘅年紀，佢無因為胸前大開嘅設計而刻意谷胸，性感得恰到好處，感覺舒服。」
「條裙着到佢好老，顏色太沉，顯得冇生氣，完全唔啱佢嘅年紀，浪費咗佢嘅青春甜美，如果轉啲colourful啲嘅顏色會好好多。」
香港著名模特兒陳嘉容（Eunis），曾為各大國際品牌行時裝騷，在時裝界打滾多年，不論時裝的理論還是實戰都難不倒她，近年更為電視時裝節目擔任主持，化身stylist教人配襯衣着打扮。