謝霆鋒夠風度 「少時」Jessica嗒糖
韓國女團組合少女時代成員Jessica，昨晚聯同謝霆鋒、內地人氣歌手張杰出席Valentino置地廣場男裝專門店開幕活動，吸引近千粉絲圍觀。當Jessica抵達現場時即惹來瘋狂尖叫，一身Bling Bling短裙打扮的她不時親民向粉絲揮手。提到謝霆鋒，她說：「我哋係好好嘅朋友，希望將來有機會合作。佢好好人，好gentlemen。（識咗好耐？）識咗一段時間。（知唔知Ladies' Code高恩妃車禍逝世？）知道，聽到新聞好唔開心，希望佢屋企人同粉絲唔好太傷心，大家為佢祈禱。」對於李炳憲的桃色緋聞的提問，身旁翻譯即終止訪問離開。
構思再做「煮」角
霆鋒以一身最潮秋冬新裝亮相，提到在節目《十二道鋒味》中抱起蔡卓妍（阿Sa）疑觸及對方胸部，被網民指他胸襲阿Sa一事，對此霆鋒說：「大家講吓笑啫，都唔需要回應，點會阿Sa都未出聲就我出聲，真係奇怪。（拍《十二道鋒味》第二輯？）係有咁構思。（咁辛苦你頂得住？）真係好辛苦，但係值得，仲有好多好朋友都想請佢哋做嘉賓。」張杰否認太太懷孕傳聞，又透露將舉行巡唱，並希望能在紅館演出。
另外，「少女」主將Yoon A昨亦來港出席另一活動，穿透視上衣露黑Bra，她表示留港兩天，希望約Jessica一同遊覽。
文：名人組