梁家輝咀完有feel 撩嘉玲床戰

由英皇娛樂主辦的大型原創舞台劇《杜老誌》，繼7月首演10場好評如潮後，前晚揭開重演16場序幕，連同2015年1月再演15場，總場數多達41場，堪稱跨年度矚目藝壇盛事。劉嘉玲、梁家輝及謝君豪前晚率台前幕後在重演首場使盡渾身解數，嘉玲與家輝更有咀嘴戲份，連咀兩啖，台下觀眾看得熱血沸騰，嘉玲說：「重演好高難度，因為我想演得再深入啲，節奏都緊湊咗。（只咀兩啖？）想幾啖呀？嗰場戲有好多嘢記，記走位又要扮醉、扮跌，好開心可以同兩位影帝合作。」

自認幸福男

家輝聞言笑道：「冇床咋，如果唔係加場床戲，梗係唔係加畀我啦！（嘉玲係咀戲好對手？）我哋都投入咗演戲，形容唔到，點樣搵個合適字眼呢？總之我嗰刻就好似係全世界最幸福嘅男人啦！（嘉玲話開心同影帝合作？）哈哈哈，獎邊個未攞過？點都唔夠Tony Leung（梁朝偉）多，我哋最緊要係觀眾睇得投入，就係最好回報！」君豪則說：「重演加咗啲歌舞，有一定難度，好期待9月呢16場重演，同埋出年1月第三度演出嗰15場。」

OL偉仔開金口

此外，嘉玲獲港安醫院委任為「Women of Hope 愛心大使」，她戴上本地珠寶設計品牌House of Kamal的創辦人兼設計師Janne Poulsen特別設計的「希望」銀吊墜手鐲拍攝宣傳照。另有消息指嘉玲老公梁朝偉，下周二將與王菲現身香港舉行的「噶舉大祈願法會」並合唱《心經》。

文：影視組