蔡思貝認冧謙仔：「唔使避忌」
上屆港姐亞軍蔡思貝入行不久已緋聞多多，最新一期《好報》踢爆她與肌男羅仲謙合作拍劇，期間她懶理謙仔已有視后女友楊怡，不斷出招姣溝，更邀謙仔食消夜撐枱腳！而思貝回應緋聞時表示不怕與謙仔傳緋聞：「大家係朋友，唔使避忌。」
蔡思貝被指是新一代姣精，剛入行已跟多名異性傳緋聞，今期《好報》踢爆她最新目標是有童顏巨胸的羅仲謙，兩人最近合作劇集《衝線》日對夜對，向來鍾情大隻男的思貝，不時向謙仔放生電。
有劇組人員指，謙仔不在場時，思貝總顯得沒精打彩，謙仔到場後她即醒神，嗲聲嗲氣拋眉眼，更試過約謙仔食消夜，起初謙仔刻意迴避，但最終盛情難卻赴會。開始把持不住的謙仔日前更缺席女友楊怡的生日P，感情出現暗湧，知情者說：「佢（思貝）明知謙仔有女友楊怡，一樣當佢冇到，好多人勸過佢唔好玩火，但佢好似當耳邊風。」
同楊怡有偈傾
日前思貝、謙仔及沈震軒等到欣澳拍外景，期間思貝經常撩謙仔傾偈，發現記者後她即黑面，刻意與眾男保持距離，與女演員坐在一旁。可是沒男神在旁，思貝明顯悶悶不樂，其後她受訪時提到謙仔時說：「佢好nice，多嘢講，好快就混熟。」謙仔亦拿思貝開玩笑，笑她是眾人中踩單車最差，但讚她聰明。
對於跟謙仔傳緋聞，蔡思貝昨接受電話訪問時說：「拍劇都預咗，希望幫到套劇宣傳。（驚唔驚楊怡唔高興？）唔會，喺化妝間成日撞到，大家都有打招呼傾偈，佢都知唔係事實。（近期好多緋聞？）成套劇都係男仔，我諗要自閉先會冇緋聞。（驚唔驚去台灣拍外景再傳緋聞，避忌啲？）大家係朋友，唔使避忌。」
文：影視組