陳敏之昨日到電台為無綫新劇《使徒行者》宣傳，她表示開心收視和口碑皆好，而她在劇中有多場與沈震軒的咀戲，敏之笑言兩人的感情線似足催淚韓劇：「好淒美，好多生離死別場面，我哋拍嗰時沈震軒都成日哼韓文歌，好有feel。」
對於有指她10月將和拍拖多年的圈外男友結婚，她否認：「10月係有喜事，不過係我開曲奇店做老闆，依家又準備出唱片揀緊歌，所以真係唔得閒。婚事係計劃緊，但真係未知幾時。」
