里奧勒度揸髀咀頸慾火街頭

拍戲兩日便穩袋港幣一億元有多的里奧勒度，雖然豬籠入水，不過他依然不修邊幅，大前日就被狗仔隊影到成面鬍鬚兼挺住巨腩與女友Toni Garrn在紐約街頭拍拖，Toni更邊行邊攬實男友咀頸，而里奧勒度就施以擒髀手還擊，場面火辣辣，「戰況」超級肉緊！而歎盡溫柔鄉的里奧勒度翌日（即前日）就被拍到頭戴賊仔帽與母親Irmelin一同睇美國網球公開賽，同場還有曉積文（Hugh Jackman）夫婦等，未知是否女友Toni不在的關係，里奧勒度睇波時竟悶到放蚊。