王璐瑤要做飲食才女

性感女星王璐瑤（LuLu）昨日擔任倒奶拉花比賽評判，還即場跟師傅一起製作拉花咖啡。LuLu表示平日也喜歡喝咖啡：「覺得拉花好靚，係藝術品，唔捨得飲，都有拉過畀以前嘅男友飲，要控制份量先拉得靚。（有冇下廚？）會煮甜品，易啲控制同埋冇咁多油煙，最叻整心太軟。自從我出咗飲食書，就多咗飲食活動請我出席，覺得自己形象轉咗，唔只做夜場性感騷。我會朝飲食才女方面進發。（仲接唔接泳衣騷？）唔好太性感，健康OK。（有冇識到啲飲食界才俊？）廚師都幾型，男仔識煮嘢感覺好溫柔，當然會加分。」她透露稍後將為網上平台拍攝飲食節目。