黃秋生53歲生日幸免拜山

影帝黃秋生昨日53歲生日，原定為劇集《梟雄》拍攝一場拜山戲份，認真大吉利是，他即與劇組溝通，及後獲有關方面開綠燈，連廠景也一併取消，變相有一日假期。問到安排了甚麼節目？秋生於電話中笑謂：「依家心態轉咗，同屋企人食飯開心吓，個大仔做完暑假工話請我食，遲啲開學佢又飛，細仔就未知有咩表示。」更指前晚獲同劇演員胡杏兒送上紅酒及蛋糕慶祝，令他非常高興。