衞蘭攻紅館想瘦過電單車
昨日歌手衞蘭（Janice）於山頂蠟像館為11月29、30日一連兩場的紅館個唱《衞蘭Janice Walking to the Future Live 2014》舉行發布會，衞蘭一身黑白色橫直間條套裝出場，獲演唱會音樂總監雷頌德撐場。Janice與自己的蠟像合照後看似滿懷心事，Janice無奈地說：「2007年嗰時瘦啲，見到2007年嘅自己，有啲感覺……」接受訪問時，問到Janice是否心情不佳，她表示自己現正代入演唱會心情：「唔係，有好多嘢要籌備，有好多歌手嘅歌詞要記，我又唔識中文，都好緊張！」
為健康戒煙
Janice又話自己為今次演唱會出盡力，並於4月26日開始戒煙同減肥。當提到戒煙會增磅時，她說：「為健康，都想着衫靚啲，係需要時間，我每朝早都飲齋啡同跑步，依家127磅，想再瘦多10磅！而Janice於演唱會海報中自信地站在電單車旁合照，以行動證明要「瘦過部電單車」。
不過其銀色性感貼身裙look被指有加工之嫌，她笑言：「少少啦，不過上身係自己嘅，衫就係Leon（黎明）揀，着得瘦啲！」問到妹妹衞詩會否撐場，Janice話妹妹會嚟睇，但嘉賓就未決定好：「好想Leon嚟，佢上次都冇嚟。（有否跟他聯絡？）冇，佢去咗法國，會親自搵佢！」
文：音樂組