仙樂都瞓枱誘勤力男
性感女星「仙樂都」吳堯堯形象火辣，吸引大批狂蜂浪蝶，但大部分追求者都不懷好意，只求「食快餐」，大感失望的仙樂都聲稱寧願繼續Dry也不亂拍拖，並高呼：「我一啲都唔隨便！」
「仙樂都」吳堯堯（YoYo）近年成功在一眾乳模中脫穎而出，不論夜店騷、電視台節目抑或電影首映都見到她，幾乎逢騷必接，懶理被指「爛做」！早前仙樂都再出寫真，人氣保持高企，雖然已32歲但仍然索爆，身形玲瓏浮凸，她表示求學時是運動健將，現在亦經常運動，她拍攝性感泳照時，亦趁機大玩「瞓枱瑜伽」，舉腳伸展筋肉。
多爛桃花
火辣的仙樂都經常吸引狂蜂浪蝶埋身，但她直示都是爛桃花，大部分追求者只為了「食快餐」，令她非常失望：「好多個開頭都表現正常，好守規矩，但好快就唔對路，例如飲醉酒打電話嚟騷擾我，見過兩次就當我女友，借啲易抽下水，又講啲露骨說話！（平時着得太性感？）唔係！平時我好密實！而且都唔喺夜店識朋友，可能佢哋睇過我啲寫真，以為我啲相性感就等於開放，其實我唔係，我一啲都唔隨便！（封胸吸納正經男士？）有諗過o架！都驚對方家人會介意，不過暫時想趁有工作努力做好佢。」提到擇偶條件，仙樂都鍾情冇不良嗜好的勤力男，不喜歡伴侶hea爆、沉迷飲酒或打機。
減肥降cup
提到早前最後一「激」推出寫真，還揼本遠赴泰國布吉拍攝，她表示今年太心急減肥跌Cup，拍寫真前急急要做豐胸療程，但最近她又放鬆不少以致變胖，她笑言要再度Keep Fit，始終自己要靠身材搵食。
Profile :
姓名：吳堯堯（YoYo）
暱稱：仙樂都
年齡：32歲
身高：1.67米
三圍：32D、24、34
文：立影
攝：吳文聰
場地：Loft23