無綫藝人何傲兒（Lily）昨日出席活動，即席獻唱歌曲《情人知己》，早前與周子揚「閃分」的她，被問到中秋將至，會否心急搵新歡？她說：「我唔急，依家最適合投入工作，當然緣分要嚟擋都擋唔住。」是否被上一段戀情嚇怕？她說：「我處理感情事好低調，只係唔覺意畀人偷影咗先公開，原來公開咗都有壓力。（下次唔公開戀情？）穩定咗都唔介意公開，睇timing。」她又稱考慮送健康月餅給「契爺」大名娛樂老闆林建名，暫與無綫有約在身，故不打算簽約林生旗下。
