王麗嘉闖美胸有成竹

現年19歲的王麗嘉（Irisa），是王敏德與馬詩慧（Janet）的二女，上有一姐王曼喜（Kayla），下有一弟王躍穎。16歲到美國讀書的Irisa，今年高中畢業，將到波士頓升讀大學。她說很喜歡在美國生活，喜歡當地的人和環境，打算大學畢業後留在當地工作和定居。Irisa遺傳了母親的模特兒骨架，擁有5呎11吋身高的她，一直也想入行做model，原以為有個名模星媽，入行事半功倍，惟上圍過於豐滿，被Janet斷言不能當high fashion model。

Irisa說：「我係自然變到咁大（胸），媽咪同家姐都唔係，我都唔知點解，我知（大胸）着衫會好緊，睇落好似好肥；媽咪知我想做model，一早就同我講我做唔到（high fashion model），而且佢話香港市場太細，叫我喺美國試吓，或者嗰邊會接受（大胸）；我會自己寄相去model公司碰吓運氣，我最想就係做Victoria's Secret嘅model，佢哋全部都好有型。」問她是否視媽媽為目標？她笑說：「媽咪個樣好cool，都幾型，不過我未必做到佢咁，因為我鍾意笑！」

王麗嘉擁有5呎11吋身高，加上豐滿身材，羨煞不少女生！

早前王麗嘉中學畢業，父親王敏德及媽媽馬詩慧一同飛到美國參加畢業禮。

學做人交友

即將升讀大學的Irisa性格開朗，新生活對她來說十分新鮮及刺激，她說入大學的首要目標是認識新朋友：「好多人想同我做朋友係因為我屋企背景，試過有個同學上網查『Michael Wong』，跟住全校都知我係佢個女，大家覺得好好奇。」她說有時候直率性格也會令別人誤會：「我對住男男女女都係一個樣，唔會因為你係男仔而保持距離，亦唔會特別溫柔，不過有啲男仔就以為我對佢有意思，有啲女仔就覺得我想flirt（調情）男仔；所以我依家學識咗做人同識朋友！」

麗嘉與姐姐曼喜（左）感情要好！	王麗嘉最想做Victoria's Secret的女模。	王麗嘉跟好友一起學做麵包，十分有趣！
王麗嘉閒時愛到沙灘享受日光浴。	考獲車牌的王麗嘉，喜歡駕車到處遊。

性取向夠「直」

Irisa跟姐姐Kayla性格截然不同，姐姐成熟文靜，Irisa則還是跳跳紮、一股傻勁，姐妹倆感情要好，對於姐姐勇敢出櫃，Irisa說：「我好proud of佢，其實我13歲已經知啦，不過嗰陣我唔鍾意，仲問佢可唔可以唔好同我講？其實外國好普遍，但我自己就好清楚自己唔係，有時我聽到同性講sex，我都唔想聽，所以都冇女仔approach（追求）過我，因為個個人都知我好直！」Irisa自言百分百喜歡異性，剛剛因為跟男友各自升讀不同的大學而協議分手，她笑說：「暫時分手啦，都仲有聯絡，返到美國就唔知，哈哈！」5呎11吋的她，挑男友可有難度？她說：「都OK，唔使一定要高過我，同我差唔多高都得，我都試過同一個矮過我嘅男仔一齊。」

美魔男爸爸

她自言比較喜歡跟外國人拍拖，原因想有個混血baby：「我一定會生小朋友，最少3個，最好生twins（孖胎），我覺得mix嘅ＢＢ得意啲，呢個都係自己鍾意同外國人拍拖嘅原因之一！」因為父親王敏德的關係，Irisa亦擁有四分之一的美國血統，大家都羨慕她有個美魔男爸爸，那會想找個像爸爸般英俊的男友嗎？她說：「其實我成日見住佢，就唔係覺得真係咁靚仔，不過我睇番佢後生嘅相，都覺得幾靚，（爸爸好風趣幽默？）佢都有惡嘅時候，我細個好驚佢，唔同佢講嘢，依家大個就唔會，有時佢會主動同我傾偈，例如問我同男朋友有冇sex？不過我都係笑，唔會答佢，但我諗佢get到，因為佢會叫我小心啲！」

考車牌更獨立

王麗嘉在美國讀書，她說她住的地方十分鄉村，最適合退休人士生活，閒時到海灘休憩，或學做麵包；而她近日考獲車牌，可以駕着車到處走，她笑說：「有車牌之後就覺得自己真係一個大人，同埋令我變得更加獨立！」

採訪：Ada Lam　　

攝影：張福弘