台灣女神徐若瑄早前下嫁新加坡富商李雲峰，在歸寧宴邀請多位圈中好友分享喜悅，當中有林心如、林志玲、舒淇等，位位悉心打扮現身。而新娘子徐若瑄，以一襲綴立體飾花的露肩拖尾晚裝裙現身，夠晒霸氣；而身穿喱士花裙的林志玲，盡顯玲瓏曲線美之餘又散發春夏氣息。
「有啲失望，長裙已經好蝦人着，容易着到人矮，仲加件長西裝褸，同埋accessories太多，顯得好累贅。」
「好大體，佢選呢條裙好適合飲宴穿着，係cocktail dress而未到晚禮服，唔過分隆重，盡顯婀娜身段，而且顏色好有春夏氣息，靚！」
「過於casual，條褲雪紡質料太薄，望落似睡褲。上身着得輕盈，下身應該着較厚物料，讓成個造型有布料間的對比質感，不過勝在身形高挑着得起。」
「粉紅色有主次之分，唔會搶新娘鏡，不過黑色clutch同黑色高踭鞋就唔太match，好似突然沉重咗，應該配襯銀色或白色，望落視覺溫和好多。」
「好有霸氣，裙嘅布料較挺身，立體花飾好華麗。而且顏色好搶眼，成為視覺亮點。」
「條裙款式簡約，所以就算着桃紅色都唔會搶新娘鏡，條裙亦好襯佢。去飲宴最重要避免搶新娘光，傳統嚟講紅係主角色，而粉紅係次色，去飲宴我推介粉紅色。」
在春夏季常見的物料––雪紡，在這幾年已流行，今季繼續起舞。雪紡質料輕巧、飄逸，因此極少在秋冬系列出現。以前設計師會利用雪紡製造傳統晚裝，現在潮流卻相反，日間服裝和晚間服裝混合一起，大玩mix and match，打造成充滿春夏氣息的飄逸服裝。
王麗儀（Janice Wong），一位時裝作家，是16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。