薛凱琪 暗寸舊愛大話精

藝人薛凱琪昨日為個唱綵排，與她合作電影《閨密》成為好友的台灣女星陳意涵及導演黃真真也有到場，並送上蛋糕、鮮花和香檳預祝她十一號33歲生日，陳意涵更祝福薛凱琪早日拍拖。

薛凱琪坦言唔恨拍拖，但「都會想拍拖」，然而要找到適合對象才可以，否則單身也不錯。提起對象，訪問期間她突然有感而發說：「最緊要坦白、誠實，有啲人特別鍾意講大話。」問到所指是誰時，她立即扮咳說不出話來，再續說：「清清喉嚨先。做錯嘢講真話會勇敢過瞞騙，講真話、做錯事會承認都係一種美德。」似乎有弦外之音，難道她曾被舊戀人欺騙？此話一出，也不禁令人聯想到曾與她傳過緋聞的房祖名、方大同、黑人緋聞男友Reggie Martin、湯駿業。問薛凱琪想收到方大同甚麼禮物，她指對方曾送過健康的書本給自己。

嘆異地戀辛苦

薛凱琪又透露生日願望是家人身體健康、演唱會順利和電影票房大賣。為何不許願早日拍拖？她說：「怕個天覺得我貪心，如果個天覺得我乖會獎勵我。」對於陳意涵笑言有筍盤先留給自己，薛凱琪表示不介意，並說：「如果佢有都可以係台灣人，異地戀好辛苦。（爭？）唔使爭，如果要爭即係代表個男友唔夠鍾意自己，感情係要培養，價值觀要一樣。」

文：影視組