子女當命根緊張大師上身

張智霖（Chilam）與蔡少芬（Ada）平日面對大場面從容不迫，但遇到仔女有頭暈身熱，即緊張大師上身！Chilam與老婆袁詠儀（靚靚）四年前曾漏夜帶愛兒張慕童（魔童）到醫院求診，期間Chilam全程緊張地攬實魔童，靚靚則負責逗魔童笑。不過Chilam在兒子面前亦有輕鬆活潑一面，靚靚在2012年的父親節於微博上載Chilam躺在床上用腳支撐魔童身體的照片，更留言笑稱二人是「張氏雜技團」，可見父子感情要好。