蕭正楠自誇當旺 帶挈翠如
無綫小生蕭正楠昨晚為慈善晚宴擔任時裝騷模特兒，近年上位的他坦承備受公司力捧而感到開心，至於女友黃翠如是否好腳頭利其事業，他反指是自己旺對方，隔空打情罵俏。
無綫四名小生蕭正楠、陳展鵬、袁偉豪及高鈞賢昨晚出席「海外學生仁濟夜2014」慈善餐舞會，並為本地時裝設計師何國鉦的時裝騷擔任模特兒，而陳煒更在騷上反串着男裝。
有指無綫鬧小生荒，蕭正楠成為被力捧小生之一，蕭正楠對此坦承：「依家嘅角色同戲份都愈嚟愈重要，好開心。（壓力大咗？）預咗，要自己輕鬆啲，嚟緊會演出啲搞笑幽默嘅角色。」對於視帝鄭嘉穎看好他接自己棒？蕭正楠聞言多謝對方支持，問會否覺得女友黃翠如旺他？他表現怕醜說：「都係為工作，佢都好出色，多咗廣告拍，都可以話係我旺佢。」乘機向女友大派高帽。
何國鉦非《沒女》導師
至於何國鉦澄清並非節目《沒女大翻身》的導師之一，他說：「我喺電視見到自己個樣出現都好驚訝，其實只係錄咗幾句說話，因為播完我又接住播其他導師，令人誤會我係導師之一，鄭裕玲喺電台都話我係導師，連佢都誤會咗。（同無綫反映？）唔知同邊個反映。（如果搵你會唔會做導師？）我未必有時間。」
同場腹大便便的梁慧恩由夫婿陪伴出席，她透露懷孕七個多月，已重了近七十磅，問到胎兒性別時，她笑言：「全世界嘅人都知，但我叫佢哋唔好同我講，想生嘅時候先知。」而馬德鐘與太太襯晒打扮拍拖到場。
文：名人組