陳家樂負傷返港chok住送院
英皇藝人陳家樂日前在台中拍攝電影《破風》時受傷，斷了鎖骨的他於當地進行接駁手術後，昨日飛返香港接受治療。家樂下機時坐着輪椅、戴着帽、墨鏡及口罩，獲英皇電影藝人部總監Angelina親自接機。
父母醫院探望感痛心
家樂透露仍需繼續留院觀察，並要清洗嚴重磨傷的傷口：「依家仍然好痛，除斷骨外，仲有好多位置肌肉拉傷咗！」雖然可以行路，但礙於左手仍未能舉高，導致非常不便，他坦言最希望可回復以前的活動能力。提到電影《破風》，家樂大讚導演林超賢：「佢話會想盡辦法，畀我入番劇組，但都要康復到先，因唔可以全程用替身嘛！」
坐着輪椅的他轉到擔架床，由醫護人員從機場的Terminal 1推行至Terminal 2，期間於床上「chok」了多下，令他不禁皺眉，狀甚痛苦。其後又於車站，暴曬半小時才能上到醫療車前往沙田仁安醫院。落車後氣若游絲的他表示：「多謝大家關心。（高層親自接機，公司好重視？）多謝咁多人關心我。」而撐着拐杖趕來醫院的陳父及陳母，面露憂傷之情，其母更坦言很痛心。
衛詩雅：早當係家人
而衛詩雅昨晚亦到醫院探望，逗留約一小時後離開，她表示：「公司同事話畀我知佢出事嘅時候，我都好激動，當時因做嘢所以無可能去台中探佢，之前傳短訊佢無覆，令我好擔心，佢依家精神幾好。（唔驚再傳緋聞？）識我哋嘅朋友都知我哋係好好嘅朋友，第一次拍劇已經識，一早當咗係屋企人一樣，所以佢有乜嘢事，好多人都會話我知。」
文：影視組