周秀娜博拍續集 陪阿旦浸浴
鄭丹瑞（阿旦）、周秀娜、鄭伊健、王菀之、楊千嬅等前晚現身尖沙咀，出席新片《分手100次》慰勞宴，慶祝電影上映5天，票房直衝5百萬。阿旦提議下次慶功搞新意思：「如果票房一星期內破一千萬，我同周秀娜浸泡泡浴！（除衫浸？）我一定係，到時伊健負責做導演！（計劃原班人馬拍續集？）已經有故事大綱，周秀娜係必然之選，伊健就睇表現啦！」
娜姐聽到續集繼續搵她演出即興奮說：「咁我一定浸泡泡浴啦！自備埋毛巾、浴鹽同花瓣，伊健負責遞毛巾。（伊健話浸泡泡浴好痛苦？）咩痛苦？佢不知幾享受！我有晒心理準備。（三點式上陣？）邊度浸都唔緊要。」伊健則笑言：「我冇眼睇，等旦哥試吓啲痛苦滋味，到時我喺側邊笑。」
而客串演出的千嬅，否認日前下午茶期間，當眾鬧兒子Torres，她解釋：「我同朋友tea緊，同人講緊是非o架嘛，Torres跌嘢，想引人注意，我咪話：No，Torres！（佢聽你話？）有時會扮唔識聽，唔畀反應我。」