鄭敬基夠定力 紅燈區齋（目及）
歌手鄭敬基將於8月22和23日於香港演藝學院歌劇院，舉行兩場《一起敲鋼琴演唱會》。忙於準備演唱會的他，早前特別抽空飛往荷蘭阿姆斯特丹出席好友、著名混音工程師Thomas Brown的婚禮，他大讚婚禮十分豪華：「我同新郎識咗超過廿年，第一次去荷蘭，成個婚禮令我增長見識，因為喺古堡一樣咁靚嘅地方搞，所以好豪華。」
食蛋糕唔上癮
難得遠赴荷蘭，問到鄭敬基有否趁機遊覽？他透露獲朋友帶去試大麻：「朋友帶我去咗間coffee shop食大麻，嗰度大麻合法化，但我唔食煙，所以食咗件有大麻成分嘅蛋糕。」他笑言吃完後，沒有感覺特別high，亦不覺上癮。之後他更走進著名紅燈區見識：「啲女仔好後生，有靚、有豬扒，行行吓個血氣方剛嘅朋友唔見咗。（你有冇幫襯？）冇呀，啲女仔每日接好多客覺得佢哋好慘。」
阿倫大讚演技
鄭敬基又指緋聞女友瑪姬未有同行，不過在當地機楊遇到同鄉：「我返香港嗰陣，喺機場見到阿倫（譚詠麟），同佢傾咗幾句，佢仲讚我喺《女人俱樂部》做得好好。（乘機邀請阿倫做演唱會嘉賓？）我邊夠膽，人哋咁大粒，不過我啲嘉賓都勁，所以唔敢打擾人哋。」
文：音樂組