周子揚向何傲兒備案 攞正牌花心
何傲兒男友周子揚，日前偕劉佩玥（Moon）、姚子羚於金鐘拍攝新劇《四個女人三個Bar》。劇情講述飾演情侶的子揚和Moon，在電梯上攬腰談情，豈料，被扮演Moon師傅的子羚撞破。
拍檔力撐好男仔
早前被指花心的子揚透露，於劇中扮演一名花心漢，周旋於Moon和李佳芯之間，不過他強調：「真實嘅我係好專一。」連拍檔Moon亦力撐幫口：「我識嘅佢做嘢好認真、好心思細密，對同事、朋友都好好，我覺得佢係一個好男仔，對女朋友都好好。（唔驚傳緋聞？）唔驚，我性格好男仔頭，我哋會傾男人嘢，佢會同我講車、睇波。」與女友何傲兒公開戀情後的子揚，坦言會跟異性避忌一點：「Lily都明拍劇要專業，每場我都會同佢講。」
姚子羚腳踏兩船
而姚子羚則表示劇中與黃智賢、曾航生有感情線，甚至跟兩子有多場親熱戲，她更笑言奪去曾航生的螢幕初吻：「佢好怕醜，因為佢好緊張，我見到佢隻手喺度震。（教佢拍吻戲？）冇，佢先係前輩，我唔夠膽，佢識嘅，只係比較怕醜，後來都開始好自然。」
文：影視組