翻版李麗珍Cupid 求偶敗走轉攻宅男
擁有32C豐滿上圍的「翻版李麗珍」彭梓穎（Cupid），早前參加內地速配節目，吸納大批粉絲。Cupid雖在節目中被心儀男士拒愛，不過憑膽識過人，被經理人漢洋睇中收納旗下，成為蕊蕊師妹攻入娛樂圈，成宅男新寵！
有「翻版李麗珍」之稱的模特兒彭梓穎（Cupid），今年簽約成為蕊蕊師妹加入娛樂圈。日前Cupid接受本報專訪時，在炎炎夏日大解放，身穿三點式比堅尼上陣擺出萌爆甫士，面對旁人目光都毫不怯場，甚有大將之風。早前寫真戰中，Cupid為撐師姐蕊蕊，都不時性感上陣，引來宅男注目紛紛起底，成為最新的宅男新寵。
粉絲自組後援會
膽識過人的Cupid今年參加內地速配節目《非常完美》，在眾目睽睽下向心儀男士示愛，可惜求愛失敗，她說：「本身冇拍拖，所以就諗住參加呢個節目嚟搵男朋友。（點解會揀內地節目？）個節目都有香港男仔，唔係得內地人，都有台灣同韓國男仔參加。（擇偶條件？）唔需要靚仔，年紀要大過我。」
雖然愛情失意，但事業得意的Cupid獲得內地粉絲成立後援會，更被經理人漢洋睇中成為蕊蕊師妹：「喺微博多人識我，佢哋仲幫我成立兩個全國後援會，都有幾千人。（男粉絲多？）女粉絲多啲，佢哋覺得我好溫柔。」
問到Cupid有否覺得自己與李麗珍相似，她笑言：「好多人都話我對眼最似，不過我自己就唔係好覺得。」而Cupid坦言以李麗珍為學習對象，希望可以在娛樂圈站穩腳步，她說：「佢演戲咁叻，同埋佢身形Keep得好好，我都要努力。」
Profile
彭梓穎 （Cupid）
年齡：28歲
三圍：32C、24、35
身高：1米68
文：專案組
服裝：Inshine