林峯約滿無綫享自由身
藝人林峯昨日在觀塘出席新劇《衛子夫》內地首播發布會，談到與無綫關係，他表示雙方已完約，自己回復自由身：「多謝公司多年栽培，以後絕對有機會再合作。（因為冇視帝？）完全唔關視帝事。（成立工作室？）冇，我唔係呢方面人才。（千語拉攏你簽黃百鳴公司？）冇，我哋唔傾公事。」他又自爆想下年推出國語新歌。
談到拍《衛》劇，林峯笑指拍攝時熱到暈，：「當時我喺橫店連拍兩套劇，再拍驚自己身體頂唔順。（千語探班錫番？）唔想佢咁辛苦，我都唔想喺內地留成半年，冇得回氣。」有指他與同劇的周麗淇爭唱劇集主題曲，他笑稱「造就」機會讓對方與任賢齊首度合唱歌曲。另外，正忙於巡迴演唱的他日前在佛山開騷，除唱冧歌，更向情侶粉絲送贈名錶。
