傅穎出墊術谷胸扮王后

傅穎指角色由忠變奸，有不少內心戲發揮。

傅穎最近到橫店拍攝內地古裝劇《通天狄仁傑》，預計逗留2個月。演「王皇后」的她幾乎套套戲服都是低胸裝，露出罕見的事業線，她坦言一味靠谷：「我有用nude bra，其實好辛苦，我唔介意冇胸o架，依家都係配合角色，唐朝女仔係豐滿啲。其實我算好保守，好小兒科，其他妃子仲袒胸露臂。」

最怕變肥婆

第二次拍古裝劇的傅穎，兩次均飾演王后，雖然有靚衫着，不過笨重的后冠頭飾和華麗服裝卻令她苦不堪言：「頭飾實在太重，搞到肩頸位好痛，要帶頸枕紓緩。其實做王后真係唔簡單，相比妃子，王后啲衫保守好多，簡直密不透風，我依家好似日日焗桑拿。」為了應付每日超過35度的高溫，傅穎實行三管齊下：「手提風扇當然唔少得，自己又帶咗退熱貼同冰涼貼，劇組都有專人煲綠豆湯。」

傅穎坦言頭飾太重致頸肩痠痛，故帶備頸枕紓緩。

傅穎帶備頸枕紓緩。

不過傅穎最怕的並非酷熱天氣，而是變肥婆！她說：「上年喺橫店拍咗2個月肥咗10磅，因為橫店冇消遣娛樂，一得閒一辛苦就想食嘢，呢度嘢食又好味，所以今次一定要keep住做運動。」她謙稱自己在內地仍是新人，很滿意酬勞，最開心是今次角色有很大挑戰：「我個角色最後會有啲癲，會走火入魔，我未做過呢類型。」

文：音樂組