陳家樂台中炒車失憶斷鎖骨

由林超賢執導、台灣型男彭于晏、內地男星竇驍、韓星崔始源與陳家樂、歐陽娜娜、王珞丹等演出的英皇電影《破風》近日於台中開工，劇組特別於當地高美濕地申請封閉五天，昨日出動二百名臨時演員，聯同眾演員拍攝大型單車比賽衝線戲份，惟前日抵台的陳家樂，昨早開工未幾即發生意外送院，證實左膊有兩處骨折，需要進行接駁手術。

欲出動醫療專機

林導透露昨日家樂事發時，正以時速50公里踩車前進，未料意外發生，家樂凌空打空翻後頭部及膊頭先着地，據知意外發生後他出現短暫失憶，在場工作人員擔心其腦部也受損，即通知家樂經理人公司英皇，召開緊急會議後，基於家樂的受傷情況及情緒不穩，英皇一度考慮接載他返港治療，不過當地醫生認為其骨折情況嚴重，不適宜舟車勞頓，擔心轉折運送會傷及肌肉組織及神經線，最後英皇決定家樂留台動手術，結果經過個多小時接駁手術，手術後情況理想，但會留下一道疤痕。

手術後最新照片	左膊骨折	陳家樂炒單車意外受傷，要入院治理。

對於旗下藝人受傷，老闆楊受成非常緊張，下令公司不惜一切醫治家樂，必要時會出動私人飛機接載家樂返港，還說：「拍攝進度有冇影響都唔係問題，總之個角色會等佢。」

陳家樂左膊的傷口貼上紗布。	陳家樂在意外發生前，騎在單車上的雄姿。	領先的崔始源（左）與二百單車好手齊齊衝線。

而昨日陪同家樂入院的經理人受訪時談及家樂的傷勢，指今次是單車爆胎造成意外：「佢左邊膊頭到大髀損晒，皮外傷唔太嚴重，少少流血，開始以為甩骹，佢係咁叫痛，照X光後知道左邊鎖骨兩處骨折！公司本來安排佢返香港做手術，但冇商務客位，即使搭高鐵返台北，打止痛針只忍到三十至四十五分鐘，最後決定留低做手術。」

導演林超賢（右四）昨率一眾演員拍攝《破風》。

陳家樂經理人在微博上指家樂手術成功，僅留小疤痕。

鎖骨鑲入鈦金屬

經理人坦言幸好家樂有戴頭盔，只被頭盔壓到留下似胎記的血絲印：「好在照咗X光個頭冇咩事，吊鹽水亦有止痛效果，肋骨冇事，鎖骨可能留疤，至於佢嘅戲份安排就幾頭痛，今朝有搵替身代拍，回港嘅戲份就要睇佢復原情況。」

傳媒於昨晚8時到病房探望家樂，因麻醉藥未過他未完全清醒，其經理人透露醫生於家樂鎖骨鑲入鈦金屬，日後毋需拆除，又說：「佢醒醒吓就口噏噏話想嘔，應該係麻醉藥副作用，聽日會再見醫生照X光，後生仔復原好快，預計三、四日可以出院。」

其實前日家樂已抵達當地，隨即跟教練進行單車訓練，期間練習「擺車」動作時曾出現多次抽筋，當時家樂向探班的記者說：「操到差啲嘔，要畀教練按穴位先好啲，一日又飲四、五支水同淋水降溫，但我練車都練到隻腳瘀晒。」