張智成自虐療情傷
馬來西亞歌手張智成日前應邀上《東網》的《娛樂onShow》接受訪問，與主持人Look大談感情事，更分享療情傷經歷，愈唔捨得愈要記得，相當自虐。
來自馬來西亞的歌手張智成近期推出新專輯《記得是最好的遺忘》，日前他上《東網》的《娛樂onShow》接受主持人Look的訪問，並介紹專輯中部分新歌的意思。
勇敢追女仔
由於專輯中有首名叫《記得是最好的遺忘》的歌曲，於是主持人Look便追問智成忘記傷心事的方法，自爆療情傷方法：「我成日都問自己，有咩方法可以忘記唔開心嘅嘢，好似感情咁，最值得記得係最初期嘅開心事，咁樣就自然冇空間去記得其他唔開心嘅嘢，其實係另外一個方式去原諒一個人。」智成更透露歌曲雖然比較傷感，但同時亦帶出正面的訊息：「你愈唔捨得放低嘅嘢，你就盡量去記得佢。」
至於另一歌曲《愛你是我的強項》的MV則講述三個不同背景的男人鼓起勇氣向女友求婚的故事，智成笑言自己在愛情方面作風同樣大膽：「我好勇敢o架，我係一個好主動嘅人，由細到大我鍾意嘅人，我都會去追求佢，無論我同佢有幾大距離，就算佢係一個風雲人物，我都唔驚。」想知道張智成如何勇敢出擊，追求真愛？就要密切留意《東網》的《娛樂onShow》！
文：專案組