李蘊牛一拒男友送禮

李蘊在剛過去的一周踏入23歲，一班fans提早為她舉行生日會慶祝，而她的生日飯局亦更排得密密麻麻，她笑言：「其實好少話特登慶祝生日，唔係唔鍾意慶祝，不過好似屈人食飯咁。」生日正日固然要留給和男友慶祝，與金融才俊感情穩定的她更發表冧爆宣言：「男友有問我想要咩禮物，我都話唔使，你愛我就得喇，唔需要咩物質嘢，對我好就得！」
壽星女李蘊直言唔需要男友送禮。
壽星女李蘊直言唔需要男友送禮。

自小已出道的她原來轉眼已入行10年，她說：「我又冇特別感覺，都入咗咁耐，幾多年已經唔緊要，23歲我覺得已經唔細，希望人哋當我係大人，而唔係長高咗嘅小妹妹，唔使特別照顧我喇。」

李蘊獲粉絲提早慶祝牛一。
  • 李蘊獲粉絲提早慶祝牛一。