歌手龍小菌將在本月中與楊詩敏（蝦頭）合作慈善音樂劇場，首次做戲的她坦言非常緊張：「入面我除咗做戲，仲會唱歌！」問小菌會否向蝦頭取經？她說：「一定要啦，佢咁多經驗！有佢睇住我都淡定啲，佢背對白好叻，望一次就記得，但我就望好多次先得！」
今年9月小菌重返校園做學生，她說：「我會去香港大學讀part-time碩士，好開心可以去進修，因為我本身讀中文系，如果可以加強詩詞歌賦，對我好有幫助。（分身不暇？）工作分配好就冇問題啦！」
