王宗堯尷尬咀麥貝夷
藝人王宗堯、麥貝夷、徐偉賢演出由陳恩碩執導、王嘉翊監製的舞台劇《萬花嬉春》（Singin' In The Rain）綵排。劇中王宗堯跟麥貝夷有親吻場面，他坦言：「我哋之前唔識，所以綵排有啲尷尬，好在喺真正演出先會錫落去。」
音樂人徐偉賢原來與陳恩碩兩年前合作過一個音樂劇，徐笑言：「當時我係音樂總監，估唔到依家畀佢導番我。」而年僅16歲、已第二次執導舞台劇的陳恩碩，被問到會否因年紀問題而不敢向前輩出聲？他說：「唔可以因為我年紀比佢哋細而做唔好本分，但我會邊導邊跟佢哋學嘢，佢哋個個都好尊重我。」
