馮允謙作情歌獻林欣彤
「巨聲幫」馮允謙（Jay）將在暑假推出第3隻專輯《The In-Between》。Jay透露新碟有別過往風格，主打歌《紙筆墨》更大走中國風：「首歌係一年前寫嘅，嗰段時間對中國風好有興趣，又想學多啲中國文化。」Jay望透過新歌表達我們如何不讓中國文化流失，而紙筆墨的用途正是將歷史和當下感覺紀錄下來。問到身為創作人的Jay最想為哪位歌手作歌？Jay謂：「想幫祖兒（容祖兒）作歌，因為佢把聲好靚，都想試下幫新碟有份合作嘅阿Mag（林欣彤）作，佢把聲好親切，想為佢作情歌，唔一定要好爆嗰種，但想係嗰種好Deep有層次嘅歌。」
