鄧佩儀心繫韓男

華姐鄧佩儀（Gloria）早前到巴西為無綫採訪世界盃，認識大班來自世界各地的朋友，當中有位韓裔巴西人Luciano與她十分投契，Gloria說：「今次有好多新嘗試，踩雜耍單車、玩控球，同巴西人跳傳統戰舞，好多開心回憶，最大得着係識到好多來自世界各地嘅新朋友，包括韓國裔巴西男仔Luciano，佢喺巴西生活耐咗，個樣已經冇乜韓味，仲話愛巴西多過韓國！（好啱傾？）好多時喺球場拍完嘢會傾偈，仲互add咗facebook，又有keep住電郵聯絡。我喺巴西返咗嚟唔夠一個月，已經好想返去探朋友。（想探韓男？）唔只佢嘅，兩年後巴西舉辦奧運，好想公司揀中我再去，可以返去探吓班朋友啦！」