徐子珊異地戀落閘
徐子珊早前到紐約修讀短期演藝課程，重拾久違的讀書感覺，雖然每日10小時密集式上課，兼且功課一大堆，但子珊卻相當享受，更指同學來自不同國家，起初不知其身份，令她感到輕鬆自在，放下藝人的包袱。期間子珊更有艷遇，惟她一心專注學習，未有給時間令這段異地戀萌芽。
入行10年的徐子珊演過無數劇集，為求演技方面進步，早前趁到美國工作期間，於紐約電影學院報讀一個名為「Acting for film」、為期4周的課程，這趟旅程令她見識不少，子珊說：「同之前學嘅嘢好唔同，課程裏面學術性嘅成分高，好似喺演藝學院返學咁，只不過地點轉咗去紐約。」子珊又謂返學生涯忙碌得來又充實，每日由早上9時上課，直至晚上7時才下課，甚至連星期六都要返學，課後更需要做功課。
識破藝人身份
子珊表示同學來自世界各地，如美國、巴西、英國、南非、韓國及葡萄牙等，令從未上過戲劇課的她非常享受學生生活，下課後更與同學四圍去，她說：「返學學到好多新嘢，得到好多啟發，好鍾意！放咗學又可以同啲同學睇戲、音樂劇，周圍睇吓地方，食吓嘢。」
以往演戲只憑直覺的子珊，表示今次是為學好基本功，認為當學生壓力比演員輕：「每日都唔想走，唔想返香港添呀！」問到於紐約可有艷遇？她笑說：「有呀！有一位老師助理係咁約我出街，不過我冇理佢，專心讀書嘛！」她又指起初未有透露自己是藝人，及後有同學在網上搜尋她的資料，令其藝人身份被識穿。
文：影視組