Eason呵歌迷：點會唔唱
歌神陳奕迅（Eason）與太太徐濠縈和女兒陳康堤（包包）早前到倫敦放暑假，在外地享受三人世界之際，卻傳出Eason唱多兩年便暫別樂壇的消息，昨日Eason自事件後首度露面親口澄清退休傳聞：「點會唔唱……我只係想做埋呢兩年演唱會唔做住，要抖吓！」相信Eason迷大可放心了。
每年陳奕迅例牌在農曆新年及暑假與老婆徐濠縈和女兒陳康堤外遊充電，早前Eason一家三口到英國倫敦放暑假，連日來阿徐都有把自己坐草地及踩單車的寫意相片放上網分享，當然三人的幸福家庭照就最吸引眼球，但日前Eason在台灣接受電台訪問時，聲稱完成餘下兩張唱片合約後便暫別樂壇，令一眾Eason迷十分擔憂。
只是暫停個唱
昨日下午，Eason與家人結束假期返港，坐了十多小時飛機的Eason推着行李出來時難免一臉疲態，康堤和阿徐同戴草帽尾隨Eason出現，Eason全身藍色衫褲與康堤的藍褲子可謂襯到絕。Eason見到記者即掩着口說：「我冇嘢講喎，辛苦你呀！」更自嘲坐十幾小時飛機怕「口臭」。問是否趕回來到內地巡唱？Eason說：「係呀，要做嘢！（放假放到唔想返嚟？）唔得，唔得！」
追問Eason是否完成最後兩張唱片便不再做？Eason對退休傳言解畫說：「係放慢啲啫，依家都慢緊（扮慢行）！（唔係唔唱？）唔係啦，點會唔唱，只係做嘢分得再散啲，想做得精啲啫。」對於退休之說，Eason再重申：「點會唔做，我繼續做緊o架，我都冇講嗰兩個字。（退休？）點會講退休，從來都唔講，想一路放慢緊。（一年一張專輯都唔夠慢？）唔關唱片事！（係演唱會？）係啦，所以做埋呢兩年演唱會唔做住嘞，由07年到依家都冇停過開，要抖吓！」
為蘇永康主婚
問到有否趁這次愉快假期與老婆努力造人？Eason竟少有露出尷尬樣：「呢啲唔講啦，我依家識得怕醜o架。」之後Eason細心扶老婆和女兒上保母車。此外，蘇永康日前在上海出席新碟見面會，表示會邀請陳奕迅與太太徐濠縈擔任其婚禮主婚人，還透露兩人是自己與未婚妻的紅娘：「我06年喺Eason婚禮上認識我未婚妻，主婚人非佢哋莫屬。」
文：音樂組