余文樂寸LuLu白撞
影星余文樂與導演黃真真昨日於中環為新戲《閨密》接受訪問，曾與樂仔傳緋聞的性感女星王璐瑤（Lulu）在本報專訪中，自爆與男星拍拖後被拋棄，令她認為雙方只要相愛，伴侶是男是女也沒所謂，樂仔聽畢即寸爆指她「白撞」，他說：「佢唔係我緋聞女友，我完全唔識佢，亦唔想佢再做呢啲新聞！是但啦！人生總有幾次遇到白撞！」
談到新戲角色，樂仔謂角色十分細心，會為女友買幾款早餐給她選擇，問現實中有否做過浪漫事？他說：「試過同女友分隔兩地，我朝早飛去紐約同佢食早餐，食完返香港做嘢！」他自言不需要物質，亦不愛拜金女。